Көйләре минеке, сүзләре - башкаларныкы......

OZYN_BOLYN,_OZYN_TOLYM+_.mp3

Ozyn_tolym_Ildar_JUzeev-3.mp3

Озын  болын, озын  толым.

 Илдар  Юзеев  шигыре

Әнис  Шәймәрданов  көе

Нурландырып

Урман  юлын,

Җилфердәде

Озын  толым.

Озын  болын,

Озын  толым,

Күңелемдә

Таң  аттырдың.

Чәчләреңне

Тарап  тордың.

Сихерләнеп

Карап  тордым.

Озын  болын,

Озын  толым,

Нигә  шулай

Яраттырдың?

Син  җырладың,

Мин  уйнадым,

Җырың  чын  дип

Мин  уйладым.

Озын  болын,

Озын  толым,

Өзелде бит

Күңел  кылым.

Болай  гына

Булган  җырың.

Башка  ярда

Икән  кулың.

Озын  болын,

Озын  толым,

Өзгәләнә

Күңел  кылым.

              Җыр язылды:  2008 ел.

Sandugachym.mp3

Сандугачым.

Клара  Булатова  шигыре

Әнис  Шәймәрданов  көе

Җырсыз  йөрми, моңсыз  йөрми

Җаным, йөрәгем.

Гомер  буе  моңы  яши

Миндә  берәүнең.

Кушымта:

Сайра, сайра, сандугачым,

Нурлы  бакчамда.

Шат  моңнарың  күңелемдә,

Кайда  барсам  да.

Үзе  китте, моңы  калды,

Калды  гомергә.

Шул  моңнарны  юллар  идем

Ул  торган  җиргә.

Кушымта.

Җыр  канатым – сандугачым,

Шунда  кит  әле,

Бу  моңнарны, бу  җырларны

Аңа  илт  әле!

Кушымта:

Сайра, сайра, сандугачым,

Нурлы  бакчамда.

Шат  моңнарың  күңелемдә,

Кайда  барсам  да.

   Җыр язылды: гыйнвар,2009.

Tyn_kalyik,silеshmik(-)_I.JUzeev.wma

ТЫН  КАЛЫЙК, СӨЙЛӘШМИК...

Илдар Юзеев шигыре, Әнис Шәймәрданов көе.

Тын калыйк, сөйләшмик

Бу матур таңнарда...

Ни сөйли, тибрәнеп,

Асыл кош талларда?

  Кушымта:                 Тыңлачы, сандугач

                                      Серләрен сөйли ич,

                                      Ул минем хисләрне

                                      Өздереп көйли ич:

                                     Чут-чут-чут-чут,

                                     Чут-чут-чут-чут...

                                      Ул минем хисләрне

                                     Өздереп көйли ич!

Тибрәлә йөрәгем

Сандугач шикелле.

Оныт, яр, кайгыңны,

Зарыңны, шигеңне.

Кушымта.

Колак сал, асыл яр,

Илаһи бу моңга,

Мин шушы таңнарда

Әйләндем былбылга.

Кушымта.

Йөрәккә асыл кош

Тикмәгә кунмастыр,

Шуннан да пакъ уйлар,

Саф хисләр булмастыр.

Кушымта:                Тыңлачы, сандугач

                                  Серләрен сөйли ич,

                                   Ул минем хисләрне

                                   Өздереп көйли ич:

                                   Чут-чут-чут-чут,

                                   Чут-чут-чут-чут...

                                   Ул минем хисләрне

                                   Өздереп көйли ич!

                                                                      Җыр язылды: 2009 ел.

Tugan_-_skn_yaklarymFONOGRAMMA.mp3

Tugan-skn_yaklarym+.mp3

ТУГАН-ҮСКӘН  ЯКЛАРЫМ.

Шәмсия Җиһангирова сүзләре

Әнис Шәймәрданов көе

Туган-үскән якларым ла,

Болыннарым-кырларым,

Сездә тудым,сездә үстем,

Ләкин сездә тормадым.

Җилләр булып очып килим

Газиз туган ягыма,

Бик сагындым сезне,диеп,

Әйтим туганнарыма...

Сусавымны басар кебек

Туган як чишмәлә

Җилләрнең дә иң назлысы

Шул яктан искәннәре.

Җилләр булып очып килим

Газиз туган ягыма,

Җәйләремә кайтыйм әле,

Кышларыма-языма!

Туган-үскән якларым ла,

Болыннарым-кырларым,

Сездә тудым,сездә үстем,

Ләкин сездә тормадым.

Җилләр булып очып килим

Газиз туган ягыма,

Бик сагындым сезне,диеп,

Әйтим туганнарыма...

                                        Җыр язылды: октябрь, 2008 ел.